Habadere in der Campusgmoi Rengschburg!
- Bist eba nei am Campus?
- Du mogst interessante Leutln kenna lerna?
- Du suachst a scheene Mess für junge Mannsbilda und Madln, daderst gern über dein Glaubn redn und erfahrn, was ma sonst so alles glaum ko?
- Du host a guade Idee, die du allaweil schon probieren wuist?
- Du suachst ebban zum Redn?
Mia hom wos für an jedn! Schaug di bei uns um; du konnst di einfach osogn bei uns und herschaun! Mir gfrein se auf Di!
Wie stell ich mi o, wann i koan kenn?
Wennsd eban kenna lerna mogst, nachher kummst Sunndog in an Gottesdienst oda zum Abend fürd Gmoa am Iada ab viertel Achte oda in unser Kafäähaus panta rhei im Studierendenhaus an da Uni.
Zum Anfang vom Semester lad ma a zum kenne lerna ein (z.B. beim Hoagarten oder bei da süffigen Stadtführung).
Freili konnst aber a unsere Leutln im Team oder unsern studentischn Gmoadeanan schreim oder frogn.
Des is ghupft wia gsprunga, wosd duast – Hauptsach, du traust di!
Wos reart se bei eich?
Bei uns findt se an Menge an Veranstaltungen:
- Spirituelles wia de Blaue Stund, unser Abend fürd Gmoa, die Gebete in da Früh, das Taizè-Gebet oder Praise&Worship
- Zünftiges wia unser Forten, den griabigen Abend fürd Gmoa oder Gruppn zum Wandern (mit oda ohne Hagglstecka) und zum Spuin; bei uns konnst in Herrgod a amal an guadn Mo sei lassn
- Interessants zu Themn aus der Gsellschaft, ausm Sozialn oder der Religion
Muas i katholisch oder evangölisch sei, um bei eng eine zu schaun?
Na, jeder derf kumma – mia san für olle Gschtudierden in Regensburg da. Mir kennas a mit andere Religionen. Und wennsd nix glabst, passt a. Schau doch amal in unser Leitbüld – dann siggst, was uns wichtig ist.
Muas i bei eng Mitglied sei?
Na, des brauchts niad. Kumm einfach, wenns passd!
Und ko i selbst was dua?
Selbstverständlich! Mia gfrein se über olle Ideen und Initiativen und packn mit o. Trau di!
Was, wenn mia im Lebn was abgeht oder mi es Studium recht tratzt?
Das schau ma, was ma für dich machen kenne! Zum Redn is immer jemand da und a, wenn‘s ums Diridari geht, kimma helfn.
Und, hom ma an Glust gmacht?